website-icon

本地波經

環球球壇

業餘足球

球會選拔

更多

約踢波平台

本地波經

環球球壇

業餘足球

球會選拔

青年軍選拔

女足選拔

買物情報

搵腳專欄

搵腳指南

搵腳專欄

搵腳小編嘅專欄,近排興咩我寫咩!

香港球隊傑志於本年三月公佈落實於2022-23球季起,參與著名西班牙教練甘巴爾統籌的「全球青年精英足球計劃」,他們會被安排到西班牙安普斯特市(Amposta)的依比利高水平體育中心(Terres de l'Ebre Sports High Performance Centre)接受特訓。爭取西班牙球隊青睞,從而踏上效力其他聯賽的道路。期望在這計劃開始後,能幫助更多有潛力及能力的本地球員效力更高水平的聯賽。 香港外流球員過於集中於中國聯賽 近年很少可以看到本地球員外流到中國以外的聯賽效力,中甲中超成為外流球員主要效力聯賽。現時曾入選港隊外流的香港球員分別有7名,當中目前效力中國聯賽球隊的球員高達6名,包括效力中超球隊廣州城的陳俊樂,浙江FC的梁諾恆及梅州客家的勞烈斯。中甲球隊有南通支雲的李毅凱,廣西平果哈嘹的辛祖和四川九牛的羅素。惟仍未有只有歐陽耀沖效力日本J3的YSCC橫濱。 中國球隊阻礙香港球員代表港隊屢見不鮮 每當提及香港球員到中國聯賽效力,必定要講到吳偉超,他職業生涯的過程中分別效力了6年中超以及7年中甲,可算是一個成功的職業生涯。但要說到他足球生涯上的一段爭議,必定為2006年,吳偉超宣佈因為頭部受傷接受手術而退出港隊對烏茲別克的賽事,卻在上海申花對傑志的友賽中正選披甲而被球迷狂噓。到近年吳偉超在接受其他媒體訪問時說:「人在江湖身不由己,當時自己都決定不了踢哪一隊。」可見外流中國港將在選擇代表港隊時會受到球會阻撓。 事隔十六年,中國球會仍再次拒絕外流港將入選香港代表隊,先以疫情理由及隔離時間拒絕球員參與上年六月於巴林舉行的世界盃外圍賽第二圈賽事。到了今年五月,中國球會再以「疫情」為由,向球員施壓拒絕外流港將代表港隊。港隊教練安達臣在周二(10日)早上港隊操練過後的記者會透露分別收到三間中國球會發出的信件,指陣中港將不會為港隊出賽。安達臣指出:「我認為係球會向球員施壓,叫佢哋唔好代表港隊,因為回到中國要經歷4周隔離,係冇可能成事。」 中超將於2022年6月開鑼,屆時假若外流中港將代表港隊參與亞洲杯外圍賽,最快亦要6月15號返回中國再經歷28天隔離,7月13號才能歸隊操練。 假若未來再有更多球員因為效力中國聯賽球隊而被球會方面施壓,阻撓他代表港隊,港隊實力必定大打折扣。 中國聯賽並非香港球員唯一選擇 香港球員近年其實一直都有外流至其他外國聯賽的機會,例如早於2014年「子彈」夏志明就曾經被巴拉圭老牌勁旅瓜蘭尼睇中並誠意邀請他到巴拉圭落班。另外前傑志中場林嘉緯亦曾經泰超武里南邀請加盟。由此可見香港球員並不缺乏外流他國聯賽的機會。 球員外流係香港足球進步及發展的關鍵 除此之外,香港聯賽球隊財力不穩,近年港超聯有多支球隊因財政壓力先後自降及解散,分別有2016年自行降班的南華,2020年解散的富力R&F和自行降班的大埔足球會,2021年自行降班的愉園及飛馬。球員要追求進步,必須以外流為主要途徑,爭取在更高水平聯賽上陣,吸收經驗,增強港隊實力。 以日本足球為例,作為亞洲頂尖水平球隊,代表隊內大部分球員都為旅外球員,例如南野拓實,岡崎慎司,鈴木武藏等。由此,香港足球要進步,香港足總及本地球會應幫助球員旅外吸收其他地區高水平訓練及經驗,長遠下去,香港足球發展及實力才會更好。

中國球會屢次阻撓球員代表港隊 中國聯賽是否香港球員唯一選擇
身為「本地」足球媒體 對香港足球係咪應該有一份責任?

話說不久之前傑志就成功係亞冠盃取得第二場勝仗,晉級機會可以話係近在咫尺,對於香港足球嚟講,都可以話係非常鼓舞嘅一件事。不過見到友媒於賽後出左一篇關於報道香港足球媒體嘅文章,睇完有啲感覺,就想寫篇嘢講吓。 帶返個頭盔先,老實講,小編其實並唔係一個做媒體出身嘅人,亦都冇讀過任何媒體相關的學位/課程。不過係我嘅認知中,身為一個本地媒體,應該要背負住推廣同傳承本土文化嘅責任喺度。 咁將呢樣嘢套用返係足球會睇上面嘅話,我哋亦都可以理解為媒體係有責任去報道及推廣香港足球。可是有啲多followers嘅足球偏偏對香港足球不聞不問,甚至淨係報憂不報喜。最諷刺嘅係,呢啲咁樣嘅足球媒體/專頁,有啲仲夠膽係簡介介紹自己為「最本地化」的足球媒體/專頁。身為「最本地化」的媒體但係一篇本地球壇甚至香港足球代表隊嘅報道都冇,日日淨係喺度講英超歐聯,到底你哋點解會好意思話自己係「最本地化」? 可能會有人為佢哋辯解,因為講本地波冇人like嘛,冇熱度咪唔寫囉。但係有冇諗過歸根究底,話題熱度係靠多人講多人討論先會有。你唔講,我唔講,冇人報道冇討論度,咪自然冇人睇囉。如果各位足球媒體可以講外國波以外,可以報多少少本地足球嘅新聞,增加本地波嘅曝光率,香港足球一定可以更加茁壯地成長。始終一個聯賽/球隊可以搵到幾多商業贊助,同佢本身嘅曝光率一定有關。 香港足球一直有一小部份人/專頁喺度默默努力報道緊,不過呢少部份人/專頁嘅影響力一定冇嗰啲大型嘅、專業嘅咁多。有一句說話叫做「能力越大責任越大」,希望呢啲「有能力」嘅足球專頁/媒體可以負起佢哋嘅責任,對本地足球再做多啲。同時亦都希望支持本地波大家可以多啲follow同埋支持一啲報導本地波足球專頁/媒體,令到其他媒體可以明白到原來講本地波,係會有人睇有人like 㗎。

搵腳一齊踢下波 我有場你有冇腳

話說小編炒左個場諗住比自己球隊啲球員練下波,點知就唔夠人踢…😅

勝利女神總會眷顧 願意堅持的人

昨日全香港都被張家朗洗版,因為呢位年僅24歲嘅花劍選手成功於昨日擊敗來自意大利嘅對手,取得奧運金牌!

鬧球證就鬧得多 有冇諗過試下做球證?

球證嘅角色係球場上嘅判官 係球場上面最大嘅角色 球證嘅好壞取決於尺度是否公平

足球嚟講有咩浪漫得過 成班隊友慢慢由弱變強

老實講,單純以班底嚟講,晉峰嘅實力絕對可以話係八隊之中最弱。佢哋大部分球員都未有港超經驗,外援實力又未足以支撐全隊。所以理所當然地,係開季未適應嘅情況下,球員體能狀況跟唔上,經常會見到球員係下半場初段已經有抽筋嘅情況,球隊亦都一直未能打開勝利之門。

好好珍惜你身邊願意做搞手嘅朋友

每一隊足球隊/踢波group 入面,都總要一個人做搞手先可以搞得成。

唔係要求好高 基本野可唔可以做好少少?

足總期下嘅非職業級聯賽包括甲、乙、丙組及女子足球聯賽係停擺多時後終於可以重新開鑼。但係近日因為康文署接連發生低級錯誤,包括兩邊龍門高度不一及龍門框傾斜,導致合共有4場比賽取消或腰斬。

唔跟章程做野都算啦 唔好亂咁講野啦好嘛

愉園同飛馬早前因為欠交保險款項而引發嘅連串風波,並未因為足總推翻原定判決而結束。理文方面表示反對足總嘅補賽要求,並聲稱唔會接受足總有關嘅補賽方案。

大佬我想踢波啊 唔好咩都炒啦

香港係一個多炒賣嘅城市 炒iPhone 、炒黃牛飛、炒樓 炒球場,當然都唔會例外

又係時候踢波啦!!!

球場終於正式開返啦! 終於唔需要冒着犯法嘅風險偷雞踢波,可以光明正大咁同一班隊友繼續揮灑熱血啦。

街場奇怪招數合集

街埸由於因為冇球證嘅關係,好多時啲人都會踢嗰陣都會完全唔跟球例,造就左各種千奇百怪趣嘅街場招式出嚟。「搵腳」幫你整合左網友們提供嘅各種佢哋遇見過嘅奇怪街場招式,一齊睇吓你哋有冇遇見過?

恭賀新禧 牛年吉祥

上年12月嗰陣話可能大家已經踢咗2020年嘅最後一場波,結果冇諗過真係一語成讖,到目前呢一刻為止球場都仲未開返。

禁聚令再延長一周 無了期盲目等待公平咩?

政府今日宣布限聚令將會延長至2月3日,意味着香港嘅足球愛好者/從業員又要繼續無了期咁盲目等待...

睇住男排女將嘅力圖 總會見到自己嘅影子

近排好沉迷睇ViuTV 嘅男排女將,差唔多集集都追住黎睇。一嚟因為香港比較少呢類型嘅青春熱血劇,有新鮮感啦。仲有一個原因就係因為係一班主角身上,會見到自己嘅影子。

康文署平時有疫情嘅態度 香港足球不會落得如斯田地

疫情之下,政府決定封閉所有足球籃球場。為咗令市民唔好違反禁令,康文署可以話係無所不用其極,網上更流傳層出不窮嘅「封框」方法。

井川祐輔離港返日  何時才能回復疫情前

曾經效力東方龍獅,前日職球員井川祐輔宣佈因為疫情關係將會於週三離港返日尋找機會,結束三年香港旅程。

不知不覺間可能已經踢左2020最後一場嘅足球

本來仲以為可以兩個人踢下波,依家轉個頭康文署連球場都封埋🤦🏻

「全民足球」計劃可以拯救到香港足球?

早前天水圍飛馬會長羅傑承接受明報專訪時透露,場外將推行「全民足球」計劃。並希望透過此計劃可以拯救到香港足球。

好撚鐘意香港 但係唔包括本地波?

立場新聞報道港超即將重新開放入場之後,見到唔少留言都係冷言冷語,所以有感而發。

閱讀更多

其他文章

關於我們

|

聯絡我們

|

私隱條款

|

條款及細則

©2020 搵腳, 保留所有權利