website-icon

本地波經

環球球壇

業餘足球

球會選拔

更多

約踢波平台

本地波經

環球球壇

業餘足球

球會選拔

青年軍選拔

女足選拔

買物情報

搵腳專欄

搵腳指南

By 搵腳

POSTED ON 17:12 08-03-2021

愉園同飛馬早前因為欠交保險款項而引發嘅連串風波,並未因為足總推翻原定判決而結束。理文方面表示反對足總嘅補賽要求,並聲稱唔會接受足總有關嘅補賽方案。 係呢個餘波未了之際,記者查詢足總總幹事袁文川有關於推翻原定判決會否令球迷覺得判決有欠公允嘅時候,居然反問「你又點知冇罰則?」,甚有火上加油的感覺。 本人並非理文球員或者球迷,但係聽到呢句都覺得難以接受。發展到如斯地步係因為足總唔按照章程所導致,居然仲要出嚟講埋啲咁嘅歪理?如果贊助商見到足總唔按照章程運作不特止,仲要自行製造公關災難,投資意欲一定大減🤦🏻 由佢所引致嘅公關災難唔剩係得呢一單,早於2014年時,佢就曾經奚落當時向佢尋求協助,效力愉園嘅國援「如果踢唔到波,可以去第二度踢,例如英超」。可見此人真係口沒遮攔。 其實足總做嘢唔跟程序都已經唔係第一日嘅事,作為球迷嘅我都唔奢望佢地會突然之間有一日覺醒。但求袁生可以好好咁控制住自己把口,唔好再口沒遮攔,嚇走一班球迷及投資者🙌🏻 圖、文: Alex

其他最新文章

關於我們

|

聯絡我們

|

私隱條款

|

條款及細則

©2020 搵腳, 保留所有權利