website-icon

本地波經

環球球壇

業餘足球

球會選拔

更多

約踢波平台

本地波經

環球球壇

業餘足球

球會選拔

青年軍選拔

女足選拔

買物情報

搵腳專欄

搵腳指南

By 搵腳

POSTED ON 11:11 12-05-2021

老實講,單純以班底嚟講,晉峰嘅實力絕對可以話係八隊之中最弱。佢哋大部分球員都未有港超經驗,外援實力又未足以支撐全隊。所以理所當然地,係開季未適應嘅情況下,球員體能狀況跟唔上,經常會見到球員係下半場初段已經有抽筋嘅情況,球隊亦都一直未能打開勝利之門。 但係佢地都一直冇放棄,繼續堅持自己嘅打法,繼續努力去操練,繼續尋求辦法去改善。 慢慢咁,班球員嘅體能開始跟得上港超嘅節奏。 慢慢咁,佢哋嘅防守越嚟越穩健。 慢慢咁,佢地一次比一次接近取得入球。 終於,喺二月對理文嘅賽事,佢哋成功取得第一個港超入球。亦都係三月對愉園嘅賽事入邊成功取得第一場超聯勝仗。依加嘅佢地喺經過12場比賽之後係聯賽中游位置,仲要可以係上周嘅比賽入面成功擊敗今季實力不錯嘅流浪,真係令人大跌眼鏡。 係現今社會咩都講求速食嘅情況下,睇住晉峰一班球員慢慢咁由弱變強,真係另有一番味道。足球嚟講,又有咩浪漫得過好似佢地咁,成班隊友一齊努力,慢慢由弱變強呢?

其他最新文章

關於我們

|

聯絡我們

|

私隱條款

|

條款及細則

©2020 搵腳, 保留所有權利