website-icon

本地波經

環球球壇

業餘足球

球會選拔

更多

約踢波平台

本地波經

環球球壇

業餘足球

球會選拔

青年軍選拔

女足選拔

買物情報

搵腳專欄

搵腳指南

By 搵腳

POSTED ON 23:47 29-04-2022

話說不久之前傑志就成功係亞冠盃取得第二場勝仗,晉級機會可以話係近在咫尺,對於香港足球嚟講,都可以話係非常鼓舞嘅一件事。不過見到友媒於賽後出左一篇關於報道香港足球媒體嘅文章,睇完有啲感覺,就想寫篇嘢講吓。 帶返個頭盔先,老實講,小編其實並唔係一個做媒體出身嘅人,亦都冇讀過任何媒體相關的學位/課程。不過係我嘅認知中,身為一個本地媒體,應該要背負住推廣同傳承本土文化嘅責任。 咁如果將呢樣嘢套用返係足球上面睇嘅話,我哋亦都可以理解為媒體係有責任去報道及推廣香港足球。可是有啲多followers嘅足球偏偏對香港足球不聞不問,甚至淨係報憂不報喜。最諷刺嘅係,呢啲咁樣嘅足球媒體/專頁,有啲仲夠膽係簡介介紹自己為「最本地化」的足球媒體/專頁。身為「最本地化」的媒體但係一篇本地球壇甚至香港足球代表隊嘅報道都冇,日日淨係喺度講英超歐聯,到底你哋點解會好意思話自己係「最本地化」的足球專頁? 可能會有人為佢哋辯解,講本地波冇人like嘛,冇熱度咪唔寫囉。但係有冇諗過歸根究底,話題熱度係靠多人講多人討論先會有。你唔講,我唔講,冇人報道冇討論度,咪自然冇人睇囉。如果各位足球媒體可以講外國波以外,可以報多少少本地足球嘅新聞,增加本地波嘅曝光率,香港足球一定可以更加茁壯地成長。始終一個聯賽/球隊可以搵到幾多商業贊助,同佢本身嘅曝光率一定有關。 香港足球嘅推廣一直有一小部份人/專頁喺度默默努力緊,不過呢少部份人/專頁嘅影響力一定冇嗰啲大型嘅、專業嘅咁多。有一句說話叫做「能力越大責任越大」,希望呢啲「有能力」嘅足球專頁/媒體可以負起佢哋嘅責任,對本地足球再做多啲。同時亦都希望支持本地波大家可以多啲follow同埋支持一啲報導本地波足球專頁/媒體,令到其他媒體可以明白到原來講本地波,係會有人睇有人like 㗎。

其他最新文章

關於我們

|

聯絡我們

|

私隱條款

|

條款及細則

©2020 搵腳, 保留所有權利