website-icon

本地波經

環球球壇

業餘足球

球會選拔

更多

約踢波平台

本地波經

環球球壇

業餘足球

球會選拔

青年軍選拔

女足選拔

買物情報

搵腳專欄

搵腳指南

By 搵腳

POSTED ON 21:40 25-02-2021

近日,港超聯嘅飛馬同愉園陷入左欠交球員保險費嘅風波,被足總紀律委員會禁賽。當中飛馬喺判發生效之前已經繳付有關保險費用。但係另一邊廂,身為菁英盃四強份子嘅愉園仍然未能繳交該費用,菁英盃四強被判罰輸三比零(暫時),需要與足總商討。網上甚至有流言傳出愉園將會步富力後塵,散班收場。 流言不可盡信,但係愉園發展到咁嘅地步,絕對唔係一日之寒。喺上年嘅四月就佢哋已經傳出因班主陳志實的內地資金出現問題,拖欠部份球員薪金。 如果愉園最後真係步富力後塵,散班收場嘅話,對香港足球係影響可能比富力退出更加嚴重。愉園重返港超聯之後,相比起其他球會更加願意給予年青球員機會。佢哋嘅陣容有多達20個u22青年球員,不少係已經開始慢慢喺球壇嶄露頭角,包括:謝嘉榮、葉卓文、林衍廷及朱偉鈞等。若果愉園退出,呢一班年青球員未必可以喺其他球會獲得咁大量嘅上陣機會去成長,甚至可能「冇班落」,最後迫於無奈轉行。 富力、元朗及大埔嘅相繼退出,已經令到好多有實力嘅球員迫於無奈轉行並轉戰低級組別聯賽。羅傑承嘅Red Mr 又因為疫情關係無法營業,亦都可能導致飛馬今季過後可能成為絕唱,香港足球實在無法承受多一支球隊退出超聯。 但願愉園可以平安渡過今次危機,再次着起嗰件經典嘅綠色戰衣,喺球場上面振臂歡呼!

其他最新文章

關於我們

|

聯絡我們

|

私隱條款

|

條款及細則

©2020 搵腳, 保留所有權利