website-icon

本地波經

環球球壇

業餘足球

球會選拔

更多

約踢波平台

本地波經

環球球壇

業餘足球

球會選拔

青年軍選拔

女足選拔

買物情報

搵腳專欄

搵腳指南

By 搵腳

POSTED ON 16:33 09-03-2021

近日前港隊黎洛賢傳出向前女友借48萬不還,被甲組球隊高力北區解約。睇到呢單新聞,小編不禁想起當年曾經同佢一同效力標準流浪嘅另外兩位球員,劉卓軒及卓耀國。 曾經被譽為「港足超新星」、「香港足球嘅希望」嘅佢哋,如今已經沒有一個係頂級聯賽效力。就等小編同大家講解下呢幾位「前超新星」嘅近況啦。 係15/16年球季係夢想駿其打出名堂嘅「BB」黎洛賢,前幾年因為紀律差劣,已經先後被香港飛馬及標準流浪放棄。之後佢就轉戰甲組及小型球比賽。有傳佢係效力流浪期間已經欠下10萬元債務,需要流浪管理層協助解困,近日更加傳出佢欠前女友50萬,被甲組北區解除合約,現時未知去向。 至於現年26歲嘅卓耀國,曾經獲得「最佳年青球員」,並外流瑞士次級足球聯賽嘅佢,現時正效力甲組球會黃大仙。此子早前為收數公司向欠債人士淋紅油時,被警員截查並以涉嫌刑毀拘捕。 最後有「肥軒」之稱嘅劉卓軒,當年喺深水埗打響名堂之後,更曾經「上山」加盟當時仍然喺頂級聯賽嘅南華。佢於18年季中離開標準流浪後曾經效力丙組嘅駒騰。現時已經退役嘅佢,正在効力一支大灣區足球聯賽球隊。 呢三位球員相信好多香港足球嘅球迷都曾經寄予厚望,認為佢哋可以喺未來成為港隊嘅主力。但係最終三位都係當打之年已經冇辦法係頂級聯賽落班,令人惋惜。 希望呢件事可以告誡各位年青球員,唔好恃才傲物,恃住自己有天份就做咩都得,千祈唔好染上惡習。如果唔係就算你幾有天份都好,最後都可能步上述三位嘅後塵。 圖、文: Alex

其他最新文章

關於我們

|

聯絡我們

|

私隱條款

|

條款及細則

©2020 搵腳, 保留所有權利