website-icon

本地波經

環球球壇

業餘足球

球會選拔

更多

約踢波平台

本地波經

環球球壇

業餘足球

球會選拔

青年軍選拔

女足選拔

買物情報

搵腳專欄

搵腳指南

By 搵腳

POSTED ON 20:59 15-02-2021

經過漫長嘅等待之後,港超聯終於接獲政府通知可以於2月20日於四個指定運動場進行復賽。而係呢段停賽期間,各隊都冇放慢手腳,相繼簽入左一啲球員增強球隊嘅實力。其中傑志為咗應付嚟緊嘅亞冠盃賽事,更加簽入左兩名「星級外援」。 一齊睇吓呢個「懶人包」,睇吓各隊停賽期間簽咗啲咩新球員啦! 1.傑志 為咗應付嚟緊亞冠盃嘅挑戰,傑志可以話係嚴陣以待。佢哋成功喺呢段停賽期間簽入左前西甲中場巴爾拿及有「黑山伊巴」之稱嘅39歳前鋒丹恩奴域。 今年31歲的巴爾拿出生於巴塞隆拿青訓學院,曾經效力愛斯賓奴、華歷簡奴及CF格蘭納達等著名西班牙球會。佢嘅累積西甲上陣次數超過150場,絕對可以稱得上今季港超最有「卡士」嘅球員。 「黑山伊巴」嘅「卡士」亦都唔輸蝕,佢曾經效力多支韓職著名球會包括FC首爾、水原藍翼及FC大邱等。雖然佢已經39歲,但係上季效力FC大邱仍有25上陣,及攻入5球,絕對可以話係寶刀未老! 2.南區 南區係停賽期間成功係澳職球隊中岸水手借入年僅20歲嘅前鋒卡希爾。呢位1.83米嘅前鋒雖然年輕,但係有和富大埔哈利嘅成功案例,都可以值得期待一下。 3.理文 受惠於兩支澳門球隊退出亞協盃,得以成軍5年就衝出香港挑戰亞協盃嘅理文宣布簽入上季喺大埔備受好評嘅前南韓國腳金承龍。 呢位35歲嘅前鋒曾經效力多支頂級亞洲球會,包括大阪飛腳及全北汽車。希望佢豐富嘅經驗可以幫助到「亞洲賽初哥」理文係亞協盃嘅表現啦! 4.愉園 「魚丸」係停賽期間成功簽入21歲年輕門將謝家榮。 呢位年輕門將之前一直被球迷視為葉鴻輝嘅接班人。佢18歲之齡已經成功打入香港足球代表隊大軍名單。可惜上季加盟豪門富力R&F並未獲得太多上陣機會,更加因為球會散班淪為自由身球員。 希望佢喺愉園可以得到更多上陣機會,兌現球迷對佢嘅期望啦。 5.東方龍獅 東方龍獅喺停賽期間宣布簽入前富力中堅杜度。哩位30歲嘅巴西籍球員係18-19球季大埔嘅奪標功臣之一。佢上季曾短暫效力富力R&F,可惜因為球會散班成為自由身球員。 雖然佢經驗豐富,東方龍獅係相同位置已經有太多球員,包括基頓、馮慶燁、艾華度及梁冠聰。相信佢未必可以喺東方龍獅獲得太多上陣機會。

其他最新文章

關於我們

|

聯絡我們

|

私隱條款

|

條款及細則

©2020 搵腳, 保留所有權利