website-icon

本地波經

環球球壇

業餘足球

球會選拔

更多

約踢波平台

本地波經

環球球壇

業餘足球

球會選拔

青年軍選拔

女足選拔

買物情報

搵腳專欄

搵腳指南

By 搵腳

POSTED ON 00:08 19-04-2022

亞協盃外東亞區外圍賽附加賽,理文將於今日香港時間下午三時於蒙古作客迎戰220體育會。 今次其實已經唔係兩隊第一次對碰,雙方早於上年嘅亞協盃外圍賽上碰頭。當時已經篤定出線嘅理文派遣大量副選上陣仍然可以喺將軍澳運動場大勝5:1。由此可以相信雙方嘅實力存在一個巨大嘅差距。 球隊相比上次對碰嘅時候引入左四位新嘅日本外援,當中Google搵到資料嘅就有岡村晏登、長谷川務及山本義光。當中擔任中場嘅岡村晏登就曾經外流泰國,效力當時為於泰丙嘅Chamchuri United。 雖然係咁,理文今場都唔可以話係穩操勝券。球隊因為香港嘅防疫措施暫停咗操練同比賽一段時間。雖然佢哋早前已經提早出發前往泰國集訓及同兩支泰國球隊進行友誼賽以提升球員狀態,球隊亦成功係兩場友誼賽中擊敗對手。但係正如主帥陳曉明於賽前記者會中表示,球員嘅狀態大概只有七八成,仲未完全恢復 。同時喺過往嘅友賽入邊,亦都不難見到球員甚至乎外援係加速同埋全速奔跑嘅時候,比起平時好似重咗同埋冇咁靈活咁。面對擁有主場之利加上準備充足嘅220體育會,未必可以好似上場輕取對手。 另外,雖然當地氣溫近日已經回暖,比賽當日預計最高溫度都會有19度,同香港相若。但係如果相比理文前往集訓嘅泰國,氣溫仍然係寒冷啲,相信對理文嘅表現都可能會有些微嘅影響。 最後場地因素都會係理文是次比賽嘅其中一個。今次比賽嘅場地蒙古足總球場(MFF stadium)為人造草足球場。據曉明sir 表示,呢個球場有啲似香港舊啲嘅嘅人造草足球場,場地相對偏硬。呢啲場地上面比賽對球員嘅膝頭負荷比較重,容易令到球員受傷,而且喺上面踢嘅時候個波會容易因為場地凹凸所以彈起。對於習慣以地面組織為主嘅理文嘅,都可以話係一個幾大嘅挑戰。 到截稿為止,理文仍然為咗賽事直播積極同緊蒙古方面溝通,有一啲技術上嘅問題尚待解決。希望呢啲問題可以早日解決,讓一眾香港球迷可以透過直播為遠在蒙古比賽嘅球員們打氣! 喺度祝願理文可以成功順利擊敗對手,喺亞洲賽為香港足球再創一番成績!

其他最新文章

關於我們

|

聯絡我們

|

私隱條款

|

條款及細則

©2020 搵腳, 保留所有權利