website-icon

本地波經

環球球壇

業餘足球

球會選拔

更多

約踢波平台

本地波經

環球球壇

業餘足球

球會選拔

青年軍選拔

女足選拔

買物情報

搵腳專欄

搵腳指南

By 搵腳

POSTED ON 01:56 19-04-2022

亞冠盃分組賽J組,上場憑着土庫曼新援明加索夫一箭定江山擊敗泰甲球隊清萊聯嘅傑志,將會係香港時間七時迎戰同組嘅日本勁旅神戶勝利船。 傑志今場嘅對手神戶勝利船近期狀態低迷,更因為成績太差於剛於上個月換帥,解僱主教練三浦淳寬,改聘西班牙籍嘅洛天拿作為球隊嘅新監督。雖然佢哋坐擁包括恩尼斯達、大迫勇也及武藤嘉紀等大量球星,但係佢哋居然於日職開季七場中未能取得一場勝仗,並暫時以4和3負排榜尾,狀態可以話係奇差無比。 此外,神戶更賽前記者會中表示陣中有多名球員受傷,包括隊長兼明星球員「小白」恩尼斯達,毫無疑問令呢隊一直豪門嘅亞冠盃之旅雪上加霜。 話雖如此,即使欠缺恩尼斯達,神戶勝利船仍然有武藤嘉紀及酒井高德等曾經旅外嘅日本國腳,再加上保贊等外援,強大陣容對於傑志嚟講仍然係一大挑戰。 根據傑志主教練朱志光於賽前記者會中透露,可以預料傑志今場應該唔會有太多嘅變動,會繼續以4-1-4-1迎戰,以先穩住後防並尋求機會反擊作為球隊主要戰術。 希望傑志可以繼2018年擊敗柏雷素爾後再次擊敗日本球隊,為晉級下圈打好基礎,並成為第一支殺入亞冠盃十六強嘅香港球隊! P.S. 是次比賽港台31將會有現場直播,各位支持傑志嘅記得七點準時開電視啊!

其他最新文章

關於我們

|

聯絡我們

|

私隱條款

|

條款及細則

©2020 搵腳, 保留所有權利