website-icon

本地波經

環球球壇

業餘足球

球會選拔

更多

約踢波平台

本地波經

環球球壇

業餘足球

球會選拔

青年軍選拔

女足選拔

買物情報

搵腳專欄

搵腳指南

業餘足球

我業餘但係我真係好鍾意足球!所有業餘比賽/足球聯賽嘅資訊,我哋都盡量為業餘足球員嘅你全力搜羅!
唔想俾人問球例到問到口窒窒 一於參加香港足球總會搞嘅裁判員課程啦

同女朋友睇波個陣最怕面對呢啲情況: 女朋友:「喂喂點解佢地無啦啦唔踢嘅...?」 你:「佢地越位呀嘛。」 女朋友:「咩係越位呀?」 你:「越位呢姐係進攻個個球員將個波.....」 女朋友:「哦...咁啫係點呀?」 你:「...」 女朋友:「唔明呀。可唔可以講得簡單少少呀?人哋都係想同你多啲交流啫...」 唔想俾人問到口窒窒?一於帶埋佢參加香港足球總會搞嘅裁判員課程啦。到時將會由國際足協/亞洲足協/香港足球總會裁判導師專人教授裁判員相關嘅知識。有志為大大小小嘅足球比賽執法嘅你不妨留意下喇。

又少一個球場喇 沙田一億工程拆走球場建41層「插針樓」

星期二(5月17日),沙田民政事務處及房屋署向沙田區議會提交文件,提出將大圍遊樂場,改建成一幢「插針式」嘅41層政府聯用綜合大樓同埋資助房屋,預料提供到400個單位,合共1000人居住。到時綜合大樓將會設有小型圖書館、普通科門診、長者中心等一系列配套設施。發展項目預計最快喺2024年展開,最快2030年竣工。

大埔足球會舉辦嘅成人足球體驗日 6月6日可以同球員同場訓練

想體驗下甲組球員嘅訓練?機會嚟啦飛雲! 坐擁多位前港超球員包括安基斯、張志勇及方栢倫的甲組球隊大埔足球會將會於6月6日(一)舉辦嘅成人足球體驗日。屆時可以體驗一下同甲組教練同埋球員訓練等足球運動。

獅子會及足總合辦五人足球比賽 仲有三日就截止報名喇

隨着呢段日子想簡簡單單踢場波都真係唔易,難得球場重新開放,有興趣組隊比賽嘅不妨試吓呢個五人足球賽,今次仲設有女子組㗎。記得留意得翻三日時間報名咋! 由國際獅子總會中國港澳三O三區獅子會同民政事務總署主辦,香港足球總會及獅子會足球隊協辦嘅『全港青少年五人足球比賽2022』將會喺今年6月3日同6月19日舉行。 男子組設有U10、U12及U14組別。女子組設有U10、U12及U18組別。男女子混合組 設有U8組別。 報名網頁:https://www.303lionssoccer.org/5on5 截止報名日期: 2022年5月15日 (星期日) 比賽日期及時間: 2022年6月3日(星期五)上午九時至下午六時                               2022年6月19日(星期日)上午九時至下午六時 擬定比賽場地: 寶翠公園十一人人造草地足球場 報名費用: 每隊HK$200 獎項及獎品: 每組盃賽均設冠、亞、季及殿軍,                       各得獎隊伍可得獎盃乙個,                       得獎隊伍成員可獲獎牌乙枚。                       冠軍隊伍成員更可獲贈一套紀念球衣及足球乙個。 每隊報名人數: 5-10 人
比賽形式:單循環制 重要備註:如比賽因疫情影響需改期舉行,大會將另行通知各參加隊伍。

如有問題,歡迎致電/Whatsapp 5502 1537 / 9103 1197查詢有關詳情。 * * * * * * 注意: * * 疫苗接種:
為保障公眾健康,所有 18 歲或以上參加者必須在比賽日期前完 成接種 2 劑新冠疫苗;12 至 17 歲的參加者只需完成接種一劑 新冠疫苗。參加者必須完成疫苗接種最少 14 天,及提供完成新 冠疫苗接種的證明。12 歲以下參加者亦需要提供 72 小時內核 酸檢測陰性結果證明。大會會因應政府最新公布的疫苗接種安 排而修訂上述規定,屆時將另行通知。如未能符合上述要求, 大會有權不接受其報名或取消其參賽資格。 * 防疫措施:
進入康文署轄下足球場時,除 65 歲以上的長者及 12 歲以下的 兒童外,所有進場人士須利用手機上的「安心出行」流動應用 程式掃描「安心出行」場所二維碼,並須量度體温。65 歲以上 的長者及 12 歲以下的兒童或特別理由的其他人士,須到場地辦 事處登記個人資料,及核對身份證及電話號碼。領隊應預先通 知大會非使用「安心出行」的進場人士人數,方便大會預早通 知康文署。除進行隊際運動外,每一小組不得超過 4 人。觀眾 席不得超過座位數目的 85%;同一行座椅中不可有連續超過 6 張座椅被佔用。以上規定將以政府最新公布為準。

兩大業餘七人足球聯賽招收新球隊 報名費1500仲包埋錄影同精華剪輯

隨着政府早前放寬社交距離措施,重新開放球場以及豁免市民做運動時戴口罩,大家都終於可以重返球場重新投入足球嘅懷抱喇!與此同時,兩個於香港業餘足球聯賽CJ7 及UT League 亦都宣布將會為其聯賽招收新球隊,有興趣於工餘時享受一下踢聯賽嘅樂趣嘅波友記得留意喇! UT League平日聯賽 草地及石地均接受報名 於2019年成立的UT League 早前宣布將會增加兩個七人平日聯賽,分別為七人平日草地足球聯賽及七人平日迎新聯賽。兩個聯賽都將會於六月開始,並會以單循環形式進行。 UT七人平日草地足球聯賽 聯賽形式 單循環制 比賽場次 9場 比賽時間 星期一至星期五 9:00pm - 11:00pm 註冊球員限額 22人 報名費用 $6500* UT七人平日迎新聯賽 聯賽形式 單循環制 比賽場次 9場 比賽時間 星期一至星期五 9:00pm - 11:00pm 註冊球員限額 30人 報名費用 $1500* 如有興趣,歡迎於賽會instagram 帳戶或WhatsApp 至 95427889報名或查詢 CJ七人石地足球迎新聯賽開始接受報名 參與旗下聯賽球隊超過200隊的本地業餘聯賽CJ 7亦都宣布旗下迎新聯賽將會接受新球隊報名。迎新聯賽賽季將於今年七月開始,並採取單循環形式進行。 CJ迎新聯賽2022 聯賽形式 單循環制 比賽場次 9場 比賽時間 星期一至星期五 9:00pm - 11:00pm 註冊球員限額 20人 報名費用 $1500* *費用已包比賽錄影、精華剪輯及場地安排。 如有興趣,歡迎WhatsApp 至 ⁨9788 4620報名查詢

康文處再推三辣招打擊「炒場」 新招能否做到「還場於民」?

香港「炒場」風氣一向非常嚴重。以足球為例,本來只需要$200可以book到嘅球場,常常被有心人士「炒」到$700甚至更多錢先可以book到。如此高昂的費用令到一眾熱愛足球的人士都苦不堪言,「踢草場」猶如變成了一項高消費運動。 一向被批評對「炒場」行為坐視不理的康文署,近日終於開始正視問題,更於今日(11日)再推出三項新措施打擊俗稱「炒場」的高價轉售訂場紙行為。三項新措施包括調整訂場櫃枱及自助服務站的服務時間、新增「智方便」訂場及不再接受團體申請轉換活動負責人。三項新措施將會同時於下星期一(16日)生效。 措施1: 調整訂場櫃枱及自助服務站的服務時間 為針對一眾「全職炒場」人士深夜開始於訂場櫃枱排隊輪候「搶場」,康文署決定調整「康體通」網上預訂服務的服務時間。經過調整後,訂場櫃枱及自助服務站將延遲15分鐘開始,令使用「康體通」網上預訂服務訂場者可以先於一眾「排隊黨」訂場。 措施2: 新增「智方便」訂場 康文署將會新增「智方便」作為新一項進入網上預訂系統的途徑。用戶若果透過「智方便」進入網上預訂系統,將無需輸入驗證碼即可進入系統訂場。 因為「智方便」只可以綁定於一部智能電話上,因此「炒場」人士將不能使用多個登記人的身分預訂場地。 措施3: 不再接受團體申請轉換活動負責人 有鑒於康文署早前曾接獲投訴,懷疑有團體在預訂康體設施後,透過申請轉換取場負責人的方式「炒場」將球場轉讓。所以於5月16日後,活動負責人姓名經康文署批准信確認後就不得作更改,只有該負責人才可在預訂時段到有關場地憑個人身份證取場。 新措施能否真正打擊「炒場」,做到「還場於民」? 連同早前5月1日推出的租用時段內抽樣巡查措施,康文處已經於短短的一個月內推行四項新措施嘗試滅絕「炒場」行為。但係這一系列措施能否真的做到打擊「炒場」,令球場回歸真正的使用者手中仍然係有待商榷。 始終康文處有「張良計」,「炒場」人士亦有過牆梯。正如早前康文處月頭推出的抽樣巡查,於租用時段要求租用人出示身份證核查身份的措施,反被「炒場」人士利用成加價的借口,坐地起價,最終反而令一眾業餘球員/教練受苦。 香港球場一向供不應求,再加上康文署早前並未有盡力打擊「炒場」,令「炒場」問題根深蒂固。如今康文署終於願意正視問題對「真正」的球場使用者固然是好事。不過希望康文署會定時檢討打擊措施是否有效,並持之以恆地推出新措施打擊「炒場」行為及興建更多球場,否則只會原地踏步,令一眾「真· 球場使用者」需要繼續受苦,繼續「捱炒價」踢波。

可以除口罩踢波啦 政府宣布5月5進一步放寬防疫措施

終於可以除口罩踢波喇! 經過運動界人士連日抨擊之後,行政長官林鄭月娥於今日(5月3日)終於宣布將於5月5日進一步放寬有關運動的防疫措施。市民在戶外劇烈運動期間,可以豁免戴口罩。換言之大家唔使再大熱天時戴住個口罩踢波啦! 政府於不久之前放寬防疫措施,重開運動場所,唯要求運動人士運動時需要佩戴口罩,只有涉及亞運等賽事的運動員可以豁免。該政策引起球圈人士不滿,其中現時效力甲組球隊深水埗的前港腳羅港威更直斥該政策是「戇X」、「全世界係得香港咁」。

球場下周四重開 有咩注意事項

政府隔咗咁耐終於宣佈下周四(4月21日)將會放寬社交距離措施,重新開放體育處所啦!換言之各位餓咗咁耐波嘅波友終於可以光明正大咁享受足球啦!不過細節上係點呢?有咩地方要注意?所以小編特登幫手整咗個QnA講解返今次重開到底有啲咩要注意!

全民足球挑戰賽2021 正式接受報名

各位鍾意踢波嘅朋友留意要啦,由香港職員足球員協會舉辦嘅「2021 全民足球挑戰賽」現已正式開始接受報名喇!比賽詳情如下:📅賽事日期 : 2021年7月17日至18日 (星期六、日)

香港草根體育發展中心 主辦11人足球比賽接受報名

香港草根體育發展中心主辦既立松盃現正接受報名!想大展球技既你不妨向香港草根體育發展中心查詢及報名參加!比賽詳情如下: 日期:2021年6月-12月 時間:星期一至五 20:00後(視乎場地供應)

UT League 舉辦七人草地聯賽 24號前報名可享有九折優惠

UT League 舉辦七人足球聯賽‼️‼️ 一直有舉辦石地七人足球聯賽嘅 UT League 宣布將會籌辦2021週末草地足球聯賽! 賽會表示今次嘅聯賽將會有八隊名額,現時已經有四隊球隊報名參加。聯賽會係四月中開季,將會雙循環形式進行,另外更設有淘汰制杯賽。

香港一年一度小型球盛事 東南海盃2021開始接受報名

一年一度嘅東南海盃接受報名啦‼️‼️ 負責籌備哩個被譽為香港石地小型球最頂級賽事嘅東南海足球會表示,已經開始籌備緊2021年度嘅東南海盃。 會方表示稍後會將邀請信及章程等資料送到各友會手中。如果冇收到邀請但係又想參加嘅,亦都可以向會方聯絡報名。

球場終於要開返啦 康文署宣布足球場週五重開

終於有得踢波啦!快啲tag你嘅波友,叫佢準備定一齊返球場啦!😍😍😍 康文署今日宣布2月19日(星期五)開始重新開放期下的康樂設施,包括足球場。由星期四開始,市民可以透過網上或訂場櫃枱預訂四天內可供預訂的收費設施,星期五開始將會延長至七天內可供預訂嘅收費設施。

閱讀更多

其他文章

關於我們

|

聯絡我們

|

私隱條款

|

條款及細則

©2020 搵腳, 保留所有權利