website-icon

本地波經

環球球壇

業餘足球

球會選拔

更多

約踢波平台

本地波經

環球球壇

業餘足球

球會選拔

青年軍選拔

女足選拔

買物情報

搵腳專欄

搵腳指南

環球球壇

為你送上世界各地足球資訊!無論係英超、西甲、法甲甚至乎係啲冷門聯賽,我哋都會盡力為你搜羅!
加利夫巴爾宣布約滿皇馬 破世界紀錄加盟終暗然離隊

威爾斯球星加利夫巴爾今日於社交媒體宣布將會與西甲皇家馬德里合約期屆滿,並會以自由身身份離隊。

英超熱刺今夏第一簽 比列錫自由身加盟簽約兩年

英超球隊熱刺於昨日宣布意甲國際米蘭中埸比列錫將落實以自由身加盟,雙方簽約兩年至2024年。

數據拆解孫興慜 憑咩成為首位奪英超神射手的亞洲人

熱刺前鋒孫興慜今季意外地以23個入球與利物浦前鋒沙拿並列成為21至22球季英超神射手,成功成為首個贏得此獎項嘅亞洲人。等我哋一齊回顧下呢位(祖籍山東?😂)韓國總統都讚好嘅亞洲球王今季嘅數據同表現啦! 名副其實嘅神射手 「兒子」孫興慜雖然同利物浦前鋒沙拿同樣地以23球並列射手榜,但係「兒子」並非熱刺嘅十二碼劊子手,哩23球入面冇一球屬於十二碼入球。相反地,利物浦嘅沙拿則有5球入球為十二碼。由呢個數據嚟睇,似乎冇十二碼入球嘅「孫仔」的金靴獎含金量似乎更比沙拿高少少咁。 以前成日聽到球迷評某啲球員淨係識用十二碼「刷入球數」,孫興慜今次居然以0個十二碼入球嘅方法取得神射手,真係可以話係實至名歸。 高效入球轉化率成關鍵 孫興慜效力嘅熱刺今季表現未算穩定,經常出現「海鮮波」,並未能為呢位南韓前鋒創造太多嘅機會。根據外國網站統計,今季孫興慜嘅xG (excepted goal)*值總和為16.99,但係佢嘅實際入球數字(23球)卻遠遠超過佢嘅xG 6球之多。 另外,孫興慜今季總共起腳86次,入球換率高達26.7%。相比其他射手榜競爭對手,沙拿的16.5%及C朗拿度的16.3%,孫仔係呢方面嘅數據可以話係相當出眾。 由此可見,強大嘅把握力係令到孫興慜可以係供應唔多嘅情況下成為英超神射手嘅關鍵因素。 左右開弓防不勝防 係孫興慜今季的23個入球入面,左右腳嘅入球分布意外嘅平均。當中12個入球來自左腳,另外11個入球則來自右腳。雖然孫興慜左右腳均可射門並唔係啲咩新鮮事,如此平均嘅左右腳入球數據亦非常罕見。「零逆足」亦都成為左呢位南韓前鋒爭取「士哥」的最強武器。 面對強隊亦都唔會啞火 有啲前鋒平時對弱隊會有入好多波,但係一面對強隊嗰陣就會俾人凍結冇辦法取得入球。孫興慜絕對唔係佢哋嘅一份子,佢係今季面對英超頭三球隊嘅大戰上陣五次,並成功為熱刺取得3個入球。面對強隊都可以交出如此出色數據,難怪可以成為英超神射手! 天生體格未及「鬼佬」都可以好好波 孫興慜今次成功拎到英超神射手完美證明咗即使亞洲人天生體格未必有歐洲人或非洲人強壯,亦都可以憑着後天嘅努力克服先天嘅劣勢。 以前筆者踢學界面對國際學校時,成日會聽到一啲隊友話「人哋啲鬼佬高我哋成個頭,又大隻,點踢喎,輸緊啦」希望孫興慜奪英超神射手呢件事可以啟發到香港嘅年輕球員,只要肯努力,其實「鬼佬」都冇咩好怕㗎咋,共勉之。

英超利物浦宣布從富咸簽入19歲前鋒法比奧卡華路

英超球隊利物浦於昨日(23日)宣布從富咸免費簽入年僅19歲的英格蘭新星法比奧卡華路(Fabio Carvalho),雙方將會簽約五年。利物浦早於上年冬季嘗試向富咸引入呢位19歲的前鋒,可惜失敗收場,如今終於正式將佢收歸期下。 能夠勝任前鋒、翼鋒、攻中多個中前場位置的法比奧卡華路出身於富咸青訓系統。此子今季於英冠為富咸攻入11球及交出8次助攻,成功帶領呢支老牌球會奪走英冠冠軍並取得重回英超賽場的資格。 雖然法比奧卡華路為約滿離隊加盟利物浦,但據知紅軍亦都會付出的500萬鎊作為培育費,並有價值270萬鎊附帶條款。而且他日若利物浦將其轉售,富咸將獲得的20%轉會費。

維拉宣布免簽法國年輕中場卡馬拉

阿士東維拉於今日(23日)宣布從法國馬賽免費簽入年僅22歲新晉法國國腳卡馬拉。能夠擔任防守中場及中堅的此子早前曾盛傳備受曼聯及巴塞隆拿等大球會關注,最終阿士東維拉成功將呢位法國新星收為旗下,雙方將簽約五年。 卡馬拉雖然年僅22歲,但已經為法甲球隊馬賽上陣超過一百場。此子今季為馬賽披甲34場入1球,表現穩定令佢成功獲得法國國家隊垂青,獲徵召成為大國腳。 阿士東維拉領隊謝拉特表示非常高興可以吸引到呢位歐洲球壇最有潛力嘅中場之一加盟,球隊未來將會以呢位法國中場為核心繼續發展,繼續加強球隊嘅競爭力。

五分鐘內連入三球 曼城反勝維拉3比2奪得英超冠軍

英超於昨日(22日)煞科,曼城於主場對阿士東維拉一度落後兩球的情況下,憑根度簡梅開二度和洛迪的入球,成功反勝3:2奪得英超冠軍,近五季英超第四度封王。 曼城五分鐘內連入三球奪英超 作客的維拉憑右後衛卡殊禁區內頭槌搶點成功頂入,爆冷先開紀錄曼城1:0。禍不單行,曾效力利物浦的巴西中場古天奴接應屈堅斯頭槌二傳後禁區邊一抽入網,曼城落後至2:0。不過,曼城突然於五分鐘內憑根度簡連入兩球及洛迪卡斯簡迪的入球,成功反超3:2至完場。賽後曼城38戰29勝6和3負得93分,成功以分之差力壓利物浦奪得英超冠軍。 利物浦贏波但無助奪冠 另一邊廂,利物浦於主場雖然以3:1成功擊敗狼隊,可惜由於曼城成功反勝維垃,梗能夠以92分奪得第二。 必需取勝才有機會奪得英超的紅軍開賽三分鐘就先被狼隊的柏度尼圖攻破大門,落後0:1。不過不久之後利物浦就憑著前鋒沙迪奧文尼接應堤亞高艾簡達拿妙傳單刀射入成功追平比分。及後利物浦更憑沙拿及羅拔臣的入球反超前,最終以3:1擊敗對手。賽後沙拿憑23個聯賽入球與熱刺的孫興民並列射手榜榜首。 列斯聯二比一贏賓福特護級成功 護級方面,列斯聯作客憑着夏芬及積夏利遜的入球,以2:1 贏賓福特,成功以38分反壓主場1:2不敵紐卡素的般尼成功護級,後者則跌落尾三需要降班。

利物浦作客反勝二比一修咸頓 成功力保爭標希望

利物浦在英超作客修咸頓,派遣多個後備上陣的利物浦於先輸一球下的情況下連入兩球反勝修咸頓,賽後與榜首的曼城收窄至1分差距,延續爭標希望。 「紅軍」主力沙拿及雲迪克均因傷缺陣, 球隊於大量輪換的情況下成為先失球的一方。13分鐘,修咸頓翼鋒列特文左路起腳射入成功為主隊先開紀錄。及後利物浦反撲,今季聯賽首次獲正選的南野拓實在禁區內接應二傳後勁射破網成功為 「紅軍」扳平。 「紅軍」 更於67分鐘由中堅麥迪比頂入反超前的入球,最終利物浦以2:1反勝全取3分,成功將奪冠希望保留到最後一輪比賽。 最後一輪英超將於下周日(22日)舉行,屆時利物浦將會面對狼隊,另一方面佢地英超冠軍嘅競爭對手曼城就將會面對阿士東維拉。

阿仙奴迷最黑暗一天 紐卡素二比零阿仙奴

兩隊上半場都互冇記錄。 正當大家以為阿仙奴下半場會為爭四發力之際,下半場55分鐘就見到紐卡素一個左路傳中,阿仙奴嘅賓韋治一個烏龍球,造就紐卡素1:0。

英超冠軍再添變數 曼城2比2韋斯咸

今個周日(16日)有韋斯咸對曼城嘅比賽。上半場先有韋斯咸嘅查洛保雲梅開二度。 不過易邊後曼城好快獲得反擊機會,49分鐘加利殊一腳抽射,皮球省中格列多遜改變方向追番一球。69分鐘曼城再憑敵方後衛一記烏龍球追成2:2。

英足總盃決賽  利物浦互射十二碼擊敗車路士封王

今屆英格蘭足總盃決賽,有利物浦喺溫布萊球場硬撼車路士。 雙方九十分鐘打和0:0,加時三十分鐘亦無入球。 到互射十二碼,車路士嘅曼治射失成為十二碼罪人。最終比數6:5,利物浦繼二月聯賽杯後,再次憑互射十二碼擊敗車路士,成功奪得今年第二冠,距離4冠又近一步!

球證兩大爭議判決左右大局 熱刺三比零大勝阿仙奴

熱刺主場大戰阿仙奴的北倫敦打吡,熱刺憑着多打一人的優勢,以三比零大勝同市死敵奪得寶貴的三分。當中仗執法球證泰亞尼兩個判決備受爭議。 開賽22分鐘就出現第一個爭議判決,熱刺前鋒孫興慜與前來防守的阿仙奴守衞薛迪索拉斯於禁區內碰撞後倒下,球證隨即直指十二碼。十二碼由前鋒哈利簡尼射入,熱刺領先1:0。 及後第二個爭議判決亦都出現,阿仙奴後衛賀定因為侵犯熱刺前鋒孫興慜獲得第二面黃牌被驅逐離場。 被逼打少一人的阿仙奴及後更被熱刺「前鋒孖寶」哈利簡尼及孫興慜各入一球,最於以3:0大敗一場。賽後熱刺以65分排第五,落後第四位的阿仙奴僅1分。

夏蘭特正式投城 會為曼城帶嚟咩改變?

經過咗咁多日嚟各方面嘅傳言,曼城官方終於喺周二(5月10日)正式宣佈收購夏蘭特(Erling Haaland)。 據報道(sky sports)指,今次曼城將會俾5,100萬英鎊作為轉會費。而周薪方面將會係同隊展奇雲迪布尼一樣嘅37萬鎊,5年合同,都算喺合符現時曼城嘅薪酬架構。 呢位嚟自挪威嘅足球員,喺效力多蒙特嘅時候開始為人熟識。有住88場85入球記錄嘅佢有入球機器(goaling machine)嘅 稱號,更加被譽為係新一代世界級前鋒。 夏蘭特加盟之後會為曼城帶嚟咩改變? 曼城作為英超今個賽季控球次數最多、禁區內觸球次數最多、進球最多的球隊,夏蘭特今次嘅加盟無疑會為球隊錦上添花。馬列斯同埋賓拿度施華等球員出色嘅對角線長傳,以夏蘭特嘅身型同嘅技術,相信都會帶嚟唔少發揮嘅機會。 不過,英超踢法唔同將會係夏蘭特要面對嘅一大難題。作為一支頂級球隊,曼城反擊快攻入球比率相對其他隊伍低。一向以終結能力為觀眾留低深刻印象嘅夏蘭特可能需要心態上轉變。始終自記錄開始以來,好少有英超球員入球數可以達到阿奎羅嘅高度。 正如領隊哥迪奧拿講啦,新嘅球員當然係好,但係單單一位後衛或射手唔可以完全解決防守或進攻的問題。招攬出色嘅前鋒好可能代表球隊會失去部分組織進攻能力。希望夏蘭特可以早日識應為我哋帶嚟好嘅表現啦。

英超曼聯又大敗一場 作客四比零不敵白禮頓

經過上仗主場大勝賓福特三球後,曼聯作客以四球慘敗於白禮頓腳下,下季正式與歐聯冇緣。 主場的白禮頓開賽不久已經成功攻入第一球,主隊中場摩西斯卡些度於禁區頂冇人看管的下「割草式」遠射成功收死曼聯門將迪基亞。半場曼聯落後一比零。 半場過後,落後的曼聯表現並未有改善,更於十一分鐘內連失三球。最終曼聯以四球不敵白禮頓,暫以37戰得58分排第六, 將肯定刷新隊史在英超的最低分紀錄。

車路士宣布找到新班主 唯首戰僅以二比二和狼隊

車路士於今日(7日)宣布成功覓得新班主,前任班主「油王」阿巴莫域治正式接受來自美國富商Todd Boehly、Mark Walter、Hansjoerg Wyss以及私募基金Clearlake Capital組成的財團價值25億英鎊的收購方案。可惜「藍戰士」並未能夠於新班主領軍嘅第一場取得勝仗,主場僅能以二比二與狼隊打成平手。 車路士於交易聲明中表示,財團用於收購球隊的25億英鎊將會被存入銀行並會全數用作前班主阿巴莫域治的慈善活動上。 新班主於收購方案中承諾會向球會投資17.5億英鎊。這筆資金將會用於球場建設、青訓、女子隊及車路士慈善基金上。球會預料收購預料將於五月底完成交易。 唯換班主的消息並未有助車路士取得3分,球隊於英超僅能以二比二與狼隊打成平手,連續3場失分。

阿迪達與球隊續約至2025年

阿仙奴官方周五宣佈,與主帥阿迪達續約至2025年。 阿迪達表示,佢地希望令球隊帶到新嘅高度﹐可以競逐最強嘅球隊﹐同埋以獲得歐冠資格作為目標。 而女子隊嘅教練Jonas都會續約至2024年。

歐聯四強皇馬完場前連入兩球追平比分 加時再入一球反勝曼城入決賽

歐聯4強次回合,於上回合落後的皇家馬德里於主場班拿貝球場上演驚天大逆轉。非勝不可的他們在一度落後的情況下,在完場前兩分鐘內連入兩球成功追平總比數,令比賽進入加時。加時他們更憑前鋒賓施馬射入十二碼,最終以總比數 6:5反勝大熱門曼城取得歐聯決賽的入場券。 主場的皇馬於上回合以一球僅敗,落後一球的他們今仗必須取得勝利才有機會晉級。雖然皇馬於比賽中擁有較多嘅攻勢,可惜前鋒賓施馬及雲尼斯奧斯未能把機會。更不幸地於73分鐘被曼城右翼馬列斯攻入一球,總比分落後至兩球,瀕臨出局邊緣。 銀河艦隊並未有因此放棄,90分鐘,賓施馬凌空回傳將球送到門前,洛迪高快腳撞入為皇馬追回一分。此子更於一分鐘後接應阿辛斯奧右路傳中頂入,助皇馬成功於最後一刻追平總比分,令比賽需要進入加時階段。 皇馬得勢不饒人,賓施馬於加時五分鐘成功博得對手於禁區內犯下天條並親自操刀射入十二碼將比分改寫成三比一。最終皇馬亦都成功維持比分直王完場,成功打入歐聯決賽,決賽將會係於昨日擊敗維拉利爾的利物浦。

歐聯四強利物浦下半場連入3球 3比2 逆轉擊敗維拉利爾殺入決賽

歐聯4強次回合,作客的利物浦於上半場落後兩球的情況下,憑著半場高普出色的換人調動,以3比2反勝維拉利爾,兩回合合計贏5:2成功殺入決賽。這是利物浦近5年來第3次萬成功進軍歐聯決賽, 首回合領先2球的利物浦,開賽僅3分鐘已經先失1球。維拉利爾前鋒保拿爾迪亞禁區內接隊友橫傳快對手後衞一步射入空門,助維拉利爾領入。禍不單行,利物浦更於41分鐘再失1球,高基連接應右路傳中頂入成0:2。半場利物浦落後0比2。 有見及此,利物浦主教練高普拒絕坐以待斃,半場決定換入前鋒戴亞斯以增強攻力。60分鐘他們就憑着法賓奴追回一球,更於6分鐘後由戴亞斯頭槌追平成2比2平手。得勢不饒人,利物浦前鋒沙迪奧文尼於74分鐘突破越位陷阱後成功推過門將射入反超前的一球。最於利物浦成功維持比分直到完場,以總比數5:2晉級決賽。歐聯決賽將會於5月29日舉行,利物浦的對手將會是曼城或皇家馬德里。

37歲C朗再次一己之力拯救曼聯 曼聯主場一比一逼和車路士

英格蘭超級足球聯賽,曼聯憑着C朗拿度的入球成功逼和車路士,終止球隊連敗的尷尬記錄。 曼聯賽前已經敗於利物浦及阿仙奴腳下,今場更有多達六位傷兵,包括普巴、勞基梳爾、辛祖及麥佳亞等主力球員。所以理所當然地即使球隊擁有主場優勢,於比賽較多時間仍然是受壓的一方。 車路士於60分鐘率先先拔頭籌,馬高斯阿朗素遠柱接應夏維斯頭槌二傳,無人看管下球不着地射入。可惜僅僅於2分鐘之後,曼聯就憑着已經宣佈季尾離隊的馬迪妙傳予C朗突破越位後射入成功追平。 之後車路士仍然有大量攻勢,可惜均未能把握機會,最終只能和氣收場,各得一分。

利物浦宣布與高普續約至2026年

英超球會利物浦宣布,成功與球會主教練高普續約兩年。 高普的合約原本即將於2024年結束,他亦有談及過希望約滿之後離隊。不過於經過與利物浦主席米奇哥頓數小時嘅會談之後,就回心轉意決定動筆續約。 高普2015年由多蒙特離隊接掌紅軍,並成功改變左呢支原本衰落緊嘅班霸。係佢執掌六年期間,球會捧走1座歐聯錦標、1座歐超盃、1座世冠盃、1座英聯盃及英超冠軍。其中英超冠軍利物浦之前已經足足等待左30年。

歐聯四強首回合 利物浦二比零擊敗黃潛

受到維拉利爾嚴密防守,兩隊半場都互冇記錄。 易邊後利物浦繼續施壓,最終於53分鐘憑一記烏龍球開紀錄。隊長佐敦軒達臣右路傳中,皮球省中對方後衛改變方向入網。兩分鐘後維拉利爾再度失手,沙拿一個禁區內直傳給文尼篤入,成功擴大比數至2:0,最終以呢個比數完場。 次回合賽事將會於下周二(5月3日)舉行。

歐聯四強首回合上演入球騷 曼城主場4比3擊敗皇馬

歐聯四強首回合,曼城及皇馬都「不設防」上演入球大戰!最終曼城憑住奇雲迪布尼、捷西斯、科頓及貝拿度施華的入球,以4:3擊敗作客的皇家馬德里。

閱讀更多

其他文章

關於我們

|

聯絡我們

|

私隱條款

|

條款及細則

©2020 搵腳, 保留所有權利